Бишкек шаарындагы Свердлов районундагы Чүй проспектисинде көп кабаттуу үйлөрдүн биринен тутанган өрттө үч жашар бала мерт болду. Өзгөчө кырдаалдар министрлигинин кабарлашынча, кырсык тууралуу 29-сентябрда, 17.35 кабар түшкөн.
“Өрт саат 17:51де чектөөгө алынып, саат 18:46да толук өчүрүлгөн. Батирдин балкону толук өрттөнүп, анын кесепетинен 2020-жылы туулган бала мерт болду”,-деп жазылган маалыматта.
Өрттүн тутанган себеби такталып жатат.
