Мөөнөтүнөн мурда эч кандай шайлоо болбойт. Бул тууралуу бүгүн, 19-февралдагы Жогорку Кеңештин жыйынында Төрага Нурланбек Тургунбек уулу билдирди.
Анын айтымында, депутаттар тобу шайлоо системасын өзгөрткөн жаңы мыйзам долбоорун иштеп чыгышты.
«Кезексиз же мөөнөтүнөн мурда шайлоолор болбойт. Президенттик да, парламенттик да шайлоолор кийинки жылы өз убагында өтөт», — деди төрага.
