Кабулдун батышындагы балдар жана кыздар чогуу окуган мектептин жанындагы жардыруудан кеминде отуз адам каза болуп, элүүдөн ашыгы жараат алды. Көз жумгандардын көпчүлүгү 11-15 жаштагы өспүрүмдөр.
Ооганстандын Ички иштер министрлигинин (ИИМ) өкүлү жардыруу 8-май күнү кечинде болгонун кабарлады. Анын айтымында, каза тапкандардын саны дагы көбөйүшү мүмкүн.
АКШнын Мамлекеттик департаменти бул жардыруу тууралуу билдирүү жасап, Кошмо Штаттар ооган элине колдоосун уланта берерин жана Кабулдагы мектептин жанындагы чабуулду айыптай турганын белгиледи.
Европа Биримдиги Кабулдагы кол салуунун айыптап, аны «жийиркеничтүү террордук акт» деп атады.
Ооганстандын Билим берүү министрлигинин өкүлү «Reuters» агенттигине каза болгондордун көпчүлүгү экинчи нөөмөттө окуган кыздар экенин билдирген.
Ооган президенти Ашраф Гани кол салууга талибдерди айыптоодо. Бирок талибдер окуяга тиешеси жок экенин айтып, алар да жардырууну айыптай турганын билдиришти.
Кабулдагы бул жардыруу АКШ Ооганстандын аймагынан аскерлерин чыгара баштаган убакта болууда.
Кабулдун борборундагы аскердик госпиталда болгон кош жардыруудан кеминде 19 киши өлүп, 50дөн ашык адам жаракат …
Афганистандын борбору Кабулдагы Идгах мечитинде болгон жардыруудан каза болгондордун саны 12ге жетти. Бул тууралуу РИА …
АКШнын президенти Жо Байден Ооганстандан америкалыктарды жана алардын союздаштарын эвакуациялоодогу кыйынчылыктарга карабастан, бул иштер белгиленгендей …
Кыргызстандын Афганистандын Кабул шаарындагы элчилигинде 20 чакты кыргыз жараны бар. Бул тууралуу Тышкы иштер министрлиги …
Бишкек .19.08.2019.Govori.TV. Ишемби кечинде Ооганстандын баш калаасы Кабул шаарында үйлөнүү той маалындагы жардыруудан 60тан ашык …
