Ливиялык диктатор Муаммар Каддафинин уулу Сайф аль-Ислам Ливиянын президенттигине ат салышарын 14-ноябрда жарыялады. Бул тууралуу жергиликтүү агенттиктер кабарлашты.
Адамзатка каршы кылмыштарга айыпталып Эл аралык кылмыш сотунун издөөсүндө жүргөн Сайф аль-Ислам өз талапкерлигин өлкө түштүгүнөн койгонун Ливиянын Жогорку улуттук шайлоо комиссиясы билдирди.
Маалыматка караганда, «тиешелүү юридикалык шарттардын баарын» аткаргандан кийин каттоодон өткөрүлүп, ага атайын күбөлүк тапшырылган.
2011-жылы Муаммар Каддафи өлкөнү кырк жылдан ашуун башкаргандан кийин кулатылган маалда уулу да кармалган. Алты жылдан ашуун камакта отургандан кийин ал 2017-жылы эркиндикке чыккан. Быйыл жайда Сайф аль-Ислам Каддафи New York Times басылмасына курган маегинде президенттикке ат салышууну караштырып жатканын айткан.
Ливияда президенттик шайлоо 24-декабрга белгиленген. Укук коргоочулар добуш берүү эркин жана адилеттүү өтөрүнөн күмөн санап турушат. Улуттар уюму шайлоонун жыйынтыгын бурмалоого аракет кылгандарга санкция салынарын эскертти.
Муаммар Каддафи 2011-жылы өлтүрүлгөн.
Президент Садыр Жапаров бүгүн, 20-апрелде, Бишкектин четинде жайгашкан жаңы футболдук стадиондун курулушунун жүрүшү менен пландан …
Президент Садыр Жапаров шаар тургундарын Ботаникалык бакка барып эс алууга, көчөт сатып алып отургузууга чакырды. …
Президент Садыр Жапаров 2-апрелде коммерциялык эмес уюмдардын ишин көзөмөлдөгөн мыйзамга кол койду. Мамлекет башчысы көпчүлүктү, …
Казакстандын президенти Касым-Жомарт Токаев Шавкат Мирзиёевдин чакыруусу менен 5-апрелде Өзбекстанга барды. Бул тууралуу өзбек президентинин …
Президент Садыр Жапаров «Чет элдик өкүл» жөнүндө мыйзамына кол койду. Бул тууралуу ал өзү Facebook …
Президент Садыр Жапаров бүгүн Чүй облусунун Сокулук районундагы мобилдик мульти-диагностикалык комплекстин иши менен пландан тышкары …
