Токмокто кафеден өрт чыгып, жаш жигит түтүнгө ууланды. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, Токмок шаарындагы “Ак-Тилек” кафесинин ашкана бөлмөсүнүн 75 чарчы метр аянты жана ашкана эмеректери күйгөн. Өрттүн кесепетинен 25-30 жаштагы эжигит түтүнгө ууланып, ооруканага жеткирилген. Өрттүн себеби такталууда.