Каракол – Эңилчек унаа жолу убактылуу жабылды. Бул тууралуу Өзгөчө кырдаалдар министрлигинен билдиришти.
Маалыматка ылайык, бүгүн, 9-январда аталган унаа жолдо кар жаап, бороон болуп, айрым тилкелерде күрткү пайда болгон. Ошондой эле 76-92-чакырымдарында кар көчкү түшүү коркунучу сакталууда.
Мындан улам өзгөчө кырдаалдардын алдын алуу, адам өмүрүн сактоо жана материалдык чыгымдарды азайтуу максатында Каракол – Эңилчек унаа жолунун 38-112-чакырым аралыктары 10-январга чейин жабылды.
Учурда №11 Жол тейлөө ишканасы тарабынан жолду тазалоо иштери жүргүзүлүүдө.
Кошумча маалымат берилет.
