Караколдо 3,4 млн сомго ажаткана курулууда

Каракол шаарындагы Жеңиш паркына 3 миллион 418 миң сомго коомдук ажаткана курулууда. Бул тууралуу Ысык-Көл облусун өнүктүрүү фондунан билдиришти.

Маалыматка караганда курулушту фонд өзү каржылайт. Долбоордун сметалык баасы 3 миллион 418 миң сомду түзөт.

«Курула турган аянтты жана долбоордун сметасын Каракол шаарынын мэриясы түздү. Бүгүнкү күндө даараткана куруу боюнча келишим «Чынгыз Интернэшнл Групп» ЖЧКсы менен түзүлгөн»,-деп белгилейт фонддон.

Долбоордун болжолдуу наркына төмөнкүлөр кирет:

– Түздөн-түз чыгымдар;

– техникалык жана эмгек чыгымдары;

– кошумча чыгымдар;

– Сметалык пайда.

• Дааратканада төмөнкү бөлүмдөр болот: вестибюль, касса, ден-соолугунун мүмкүнчүлүктөрү чектелген адамдар үчүн эркектердин дааратканасында: эркектер үчүн кабиналар, кол жуугучтар жана унитаздар;

• майып аялдар үчүн ажатканада: аялдардын кабиналары, кол жуугучтар, тепкич жана пандус.