Казакстандын Коргоо министрлиги быйыл 7-май – Мекенди коргоочулар күнү жана 9-май – Жеңиш күнүндө аскердик парад өткөрбөйт. Министрлик мунун себебин акча үнөмдөө жана башка көйгөйлөрдү чечүү менен түшүндүрдү.
«Бюджетти үнөмдөөгө, ошондой эле башка көйгөйлөрдү чечүү зарылдыгына байланыштуу 2024-жылы Казакстанда аскердик парад өткөрүү пландалган эмес», — деп айтылат ведомствонун билдирүүсүндө.
Коргоо министрлиги Казакстандын Куралдуу күчтөрүнүн бөлүктөрүнүн күжүрмөн даярдыгын жана мобилдүүлүгүн жогорку деңгээлде кармоону артыкчылыктуу багыт деп атады.
1-апрелде Казакстан президенти Касым-Жомарт Токаев коргоо министри Руслан Жаксылыковду кабыл алып, армиянын күжүрмөн даярдыгы тууралуу маалымат укканы кабарланган.
Коргоо министри Токаевге Куралдуу күчтөрдүн заманбап техника жана курал-жарак менен жабдылышы, Казакстандын Шанхай кызматташтык уюмуна жана Жамааттык коопсуздук келишим уюмуна төрагалыгынын алкагында 2024-жылга пландаштырылган иш-чаралар, анын ичинде эл аралык машыгуулар тууралуу маалымат берди.
Казакстан бешинчи жыл катары менен Жеңиш парадын өткөргөн жок. Былтыр жана андан мурунку жылы да бийлик параддарды өткөрүүдөн баш тартууну “бюджеттик каражаттарды үнөмдөө жана башка приоритеттүү маселелерди чечүү зарылчылыгы” менен түшүндүргөн. 2020-2021-жылдары иш-чаралар COVID-19 пандемиясына байланыштуу токтотулган.
Орол шаарын селден коргоо үчүн Батыш Казакстан облусуна кошумча күчтөр жөнөтүлүүдө. Бул тууралуу 22-апрелде казак …
Президент Садыр Жапаровдун 18-19-апрелде Астана шаарына (Казакстан Республикасы) болгон расмий сапары аяктады. Астананын эл аралык …
Президент Садыр Жапаров бүгүн расмий сапар менен Казакстанга учуп кетти. Бул тууралуу президенттин маалымат кызматынан …
Нурсултан Назарбаевдин фонду ири суу ташкындарынын кесепеттерин жоюу боюнча өлкө бийлигинин аракеттерин бардык жактан колдоп …
Президент Садыр Жапаров Казакстандын президенти Касым-Жомарт Токаевдин чакыруусу боюнча 18-19-апрелде Казакстанга расмий сапары менен барат. …
Казакстандын президенти Касым-Жомарт Токаев үй-бүлөлүк зомбулук үчүн жоопкерчиликти күчөткөн мыйзамга кол койду. Ага ылайык, аялдарга …
