• Жекшемби 2 Тогуздун айы 2022
  • Воскресенье 2 Октябрь 2022

Казакстан менен Өзбекстан чек араны демаркациялоо келишиминин долбоорун жактырды

8 августа 2022 в 15:32 Бишкек Govori.TV

Казакстан менен Өзбекстан чек араны демаркациялоо жөнүндө келишимдин долбоорун жактырды. Казакстандын Тышкы иштер министрлиги билдиргендей, 25-июлдан 5-августка чейин Алматыда казак-өзбек өкмөттөрүнүн делегацияларынын жыйыны өткөн.

Анда эки өлкөнүн мамлекеттик чек арасын демаркациялоо долбоору бекитилген. Кийинки жолугушуу Өзбекстанда өтөт.

Казакстан менен Өзбекстандын ортосунда чек аранын узундугу 2300 чакырымды түзөт. Демаркация жараяны 2003-жылы, талаа иштери 2004-жылы башталган.

Казакстан менен Өзбекстандын ортосунда чек араны аныктоо боюнча бир нече маселе болгон. Буга совет өкмөтү «экономикалык кызыкчылык» үчүн бир республиканын жерин экинчисине берип жибергени себеп болгон.

2002-жылы Астана менен Ташкенттин отосундагы келишимге ылайык, чек арадагы Багыс айылы менен Арнасай суу сактагычы Казакстанга, казактар жашаган Түркстан айылы жана Кызылордо облусундагы дагы үч калктуу конуш Өзбекстанга өткөн.

Количество просмотров: 93

Элдик курултай эл менен бийликтин ортосундагы көпүрө боло алабы?

Жыйынтыгын көрүү

Биздин команда