Беш жаштагы кыз мыкаачылык менен өлтүрүлгөн Түркстан облусундагы Сарыагаш райондук сотунун төрагасы кызматтан алынат. Бул тууралуу Казакстандын Жогорку сотунун басма сөз кызматы билдирди.
«Жогорку сот быйыл май айында беш жаштагы кызды өлтүрүүгө шектелген адамга карата мыйзамсыз өкүм чыгаруу фактысы боюнча кызматтык териштирүү жүргүздү. Жыйынтыгында Түркстан облусундагы Сарыагаш райондук сотунун төрагасын кызматтан алуу демилгеленди», – деп жазылган Жогорку соттун билдирүүсүндө.
13-июлда Түркстан облусунун Сарыагаш районунда беш жаштагы кыз мыкаачылык менен өлтүрүлүп, шектүү катары 48 жаштагы киши кармалган. Ага «Адам өлтүрүү» жана «Сексуалдык мүнөздөгү зомбулук аракети» беренелери боюнча айып тагылып, эки айга камакка алынган.
Анда шектүү 2006-жылы да адам өлтүргөнү үчүн 10 жылга соттолгону кабарланган. 2023-жылы май айында ал мас абалында айылдашы менен урушуп, аны балта менен чапкан. Райондук сот тараптар элдешкенин жана айыпталуучунун буга чейинки соттуулугу жоюлганын жүйө кылып, анын эркиндигин үч жылга чектөө жана пробациялык көзөмөлгө алуу чечимин чыгарган.
Астана шаарында Кыргызстандын билим берүү жана илим министри Догдуркүл Кендирбаева казакстандык кесиптеши Гани Бейсембаев менен …
Чет элдик инвестордун мүлкүн мыйзамсыз тартып алууга көмөктөшкөн судьяга кылмыш иши козголду. Бул тууралуу Башкы …
Казакстанда бөкөндөрдүн санын жөнгө салуу боюнча былтыр башталган иш убактылуу токтотулду. Бул тууралуу өлкөнүн экология …
Кыргызстандык куткаруучулар Казакстанда жол тыгында калгандарды куткаруу иштерин баштады. Бул тууралуу Өзгөө кырдаалдар министрлигинен билдиришти. …
Алматыда эки полиция капитаны 14 жаштагы кызды зордуктаган деген шек менен кармалды. Маалыматты 11-декабрда Казакстандын …
Казакстанда 20 миллионунчу жаран төрөлдү. «Казакстандын калкынын саны 20 миллионго жетти! Мекендештерди бул маанилүү окуя …
