23-майда Казакстандын Орол шаарындагы сот «Эл коррупцияга каршы» коомдук бирикмесинин жетекчиси, юрист Аслан Утеповду жети жылга эркинен ажыратты.
Юрист «Алдамчылык» жана «Пара берүүгө шыкакчы болуу» беренелери боюнча күнөөлүү деп табылды. Мындан тышкары ага өмүр бою сот, банк системаларында жана мамлекеттик кызматтарда иштөөгө тыюу салынды.
Соттун билдирүүсүндө Утеповдун күнөөсү күбөлөр менен жабырлануучулардын көрсөтмөлөрү, ошондой эле иштин материалдары менен далилденгени жазылган.
Сотто Аслан Утепов тагылган айыптарды четке кагып, өкүм боюнча апелляциялык арыз берерин билдирди. Мындан тышкары ал кылмыш ишинин козголушуна нааразылык катары 21-майда баштаган ачкачылык акциясын токтото турганын кошумчалады.
Буга чейин прокурор соттон Утеповду күнөөлүү деп таап, жети жарым жылга эркинен ажыратууну өтүнгөн. Адвокат Утеповго актоо өкүмүн чыгарууну сурап, тагылган айыптар жабырлануучулардын «атайылап берген жалган көрсөтмөлөрүнүн» негизинде куралганын, кылмыш ишинин козголушуна Утепов соцтүйүндөр аркылуу сындап келген «кызыкдар адамдар» болгонун белгилеген.
Аслан Утепов — юрист, «Эл коррупцияга каршы» коомдук бирикмесинин жетекчиси жана «Трамадол» дарысын рецептсиз сатууга каршы чыгып жүргөн активисттердин бири. Ал жергиликтүү ишкерге акимчиликтен жер тилкесин алып берүүнү убадалап, андан акча алган деген шек менен 2022-жылы декабрдын аягында кармалган. Активист бул айыптоону четке кагып, бул полиция менен прокуратуранын чагымы экенин билдирип келген.
Президент Садыр Жапаров бүгүн расмий сапар менен Казакстанга учуп кетти. Бул тууралуу президенттин маалымат кызматынан …
Нурсултан Назарбаевдин фонду ири суу ташкындарынын кесепеттерин жоюу боюнча өлкө бийлигинин аракеттерин бардык жактан колдоп …
Президент Садыр Жапаров Казакстандын президенти Касым-Жомарт Токаевдин чакыруусу боюнча 18-19-апрелде Казакстанга расмий сапары менен барат. …
Казакстандын президенти Касым-Жомарт Токаев үй-бүлөлүк зомбулук үчүн жоопкерчиликти күчөткөн мыйзамга кол койду. Ага ылайык, аялдарга …
Атырау облусунун Күлсары шаарында 6-апрелден бери дайынсыз болуп жаткан 48 жаштагы Болатбек Ермекбаевдин сөөгү табылды. …
Кыргызстан Казакстандын суу каптоодон жабыркаган алыскы облустарына “Жардам кербенинин экинчи партиясын жөнөттү. ӨКМден билдиришкендей, жети …
