Казакстандын индустрия жана инфраструктуралык өнүгүү министринин мурдагы орун басары Тимур Токтабаевдин ишин тергөөнүн алкагында Костанай облусундагы «Шевченков» никель жана кобальт кени мамлекетке кайтарылды. Бул тууралуу өлкөнүн Коррупцияга каршы күрөшүү кызматы билдирди.
27-октябрда кылмыш иштери боюнча Астана шаардык соту Токтабаевди жети жылга эркинен ажыратып, анын өмүр бою мамлекеттик кызматта иштөөсүнө тыюу салган.
ЖМКлардын маалыматына караганда, азырынча күчүнө кире элек өкүмдө мындан тышкары экс-аткаминердин Алматыдагы жер телкеси менен үйүн, 2021-жылкы Maybach жана Bentley үлгүсүндөгү автоунааларын, ошондой эле 13 коммерциялык уюмдардагы үлүштөрүн конфискациялоо тууралуу да жазылган.
Иштин материалдарына ылайык, Токтабаев «Шевченков» кени боюнча өзү мурда ишенимдүү адамы аркылуу акцияларынын 20% ээлик кылган «С» компаниясы менен мыйзамсыз келишим түзгөн. Анда бул компанияга кенде чалгындоо иштерин жүргүзүү жана аны иштетүү укугу берилери жазылган.
«Токтабаев кийинчерээк «С» компаниясынын уставдык капиталындагы 20% үлүшүн үчүнчү жактарга саткан. Анын 10% 425 миллион теңгеге сатылган», – деп жазылган мекеменин билдирүүсүндө.
Тергөөнүн версиясына ылайык, никель менен кобальттын ири запасы бар бул кен өндүрүштүк иштетүүгө даярдалып, өндүрүш категориясындагы баланстык запастары бар объект катары лицензия берүү үчүн аукционго коюлушу керек болчу. Бирок Токтабаевдин мыйзамсыз аракеттеринен улам кен аукционго коюлбай, мамлекеттик бюджетке 40,6 миллиард теңгеден ашык каражат түшпөй калган.
2016-2019-жылдары индустрия жана инфраструктуралык өнүгүү министринин орун басары кызматында иштеген Тимур Токтабаев 2022-жылы кармалган.
Казакстан 2024-жылдын 31-августуна чейин кантты экспорттоого тыюу салды. Мындай чечимди мекемелер аралык комиссия «казакстандыктарды кант …
Казакстанда сел каптап, дарыялар ташыган аймактардан эвакуацияланган 38,5 миң киши үйлөрүнө кайтты. Бул тууралуу 29-апрелде …
Орол шаарын селден коргоо үчүн Батыш Казакстан облусуна кошумча күчтөр жөнөтүлүүдө. Бул тууралуу 22-апрелде казак …
Президент Садыр Жапаровдун 18-19-апрелде Астана шаарына (Казакстан Республикасы) болгон расмий сапары аяктады. Астананын эл аралык …
Президент Садыр Жапаров бүгүн расмий сапар менен Казакстанга учуп кетти. Бул тууралуу президенттин маалымат кызматынан …
Нурсултан Назарбаевдин фонду ири суу ташкындарынын кесепеттерин жоюу боюнча өлкө бийлигинин аракеттерин бардык жактан колдоп …
