Чымкент шаарында жергиликтүү кайгуул полициясынын №4 жана №8 роталарынын командирлери К. Алимханов менен Н.Мырзалиев жети жылга соттолуп, өмүр бою мамлекеттик кызматтарда иштөө укугунан ажыратылды.
Аларга кол алдындагы кызматкерлерден туруктуу түрдө 5-10 миң теңгеден пара алып турган деген айып тагылган.
«Мындан тышкары Алимханов Чымкенттин тургунун административдик жоопкерчиликке тартпоо үчүн кол салдындагы кызматкерлери аркылуу андан 130 миң теңгө өлчөмүндө пара алган», – деп жазылган Коррупцияга каршы күрөшүү кызматынын билдирүүсүндө.
Азырынча сот өкүмүнө карата соттолуучулардын реакциясы жана алардын жогорку баскычтарга даттанар-даттанбасы белгисиз.