Казакстандагы алты шаардын — Алматы, Ак-Төбө, Павлодар, Петропавловск, Уральск жана Шымкент шаарларынын акиматтары атомдук электростанция курууга каршы митинг өткөрүүнү каалаган активисттердин өтүнүчтөрүн четке кагышты. Бул тууралуу Власть.kz жазды.
Бардык митинг өткөрүү акциялары 6-октябрга — АЭС куруу боюнча референдум өткөрүлө турган күнгө карата пландалып жаткан. Шаар бийликтеринин акцияларды өткөрүүдөн баш тартуу боюнча шылтоолору ар түрдүү, бири «толук маалымат берилген жок» десе, экинчиси «мурда макулдашылган иш-чаралар бар эле» деген себептерди айтышты.
Мындан тышкары акыркы кездерде атомдук электрстанцияны курууга каршы чыгышкан активисттерди укук коргоо органдары кармап кетип жатышкандыгы тууралуу да маалыматтар чыгып жаткан. Буга чейин Алматыдан 12 активист кармалып, алардын алтоону эч жакка чыкпоо тилкаты менен бошотушкан.
Казакстанда АЭС куруу тууралуу талаш-тартыштар ондогон жылдардан бери токтой элек. Буга акыркы жоопту президент Касым-Жомарт Токаев дайындаган 6-октябрдагы референдум бериши керек. Эгер оң жооп болсо, анда АЭС курула турган жер Алматы облусунун Жамбыл районунун Улкен айылынын аймагы боло тургандыгын Казакстандын Энергетика министрлиги мурда билдирген.
Бирок технологияларды кайсы жактан, ким алып келери азырынча белгисиз.
Жогорку Кеңештин жыйынында «Кыргыз Республикасынын референдуму жөнүндө» конституциялык мыйзам долбоору каралып, экинчи жана үчүнчү окууда …
Президент Садыр Жапаров бүгүн, 15-майда иш сапары менен Казакстанга барды. Мамлекет башчысынын учагы Түркстан шаарындагы …
Регионалдык экологиялык саммит-2026 Астана шаарында өз ишин баштады. Форумга Борбор Азия өлкөлөрүнүн лидерлери катышууда. Кыргызстандын …
Министрлер кабинетинин төрагасы Адылбек Касымалиев үстүбүздөгү жылдын 26–27-март күндөрү Казакстанга иш сапары менен барат. Министрлер …
Президент Садыр Жапаров 2026-жылдын 29-январында Жогорку Кеңеш тарабынан кабыл алынган «2025-жылдын 22-августунда Бишкек шаарында кол …
Кудайберген Базарбаев Кыргызстандын Казакстандагы Элчиси болуп дайындалды. Президент Садыр Жапаров кол койгон жарлыкка ылайык, Базарбаев …
