Жогорку Кеңештин жыйынында «Кыргыз Республикасынын референдуму жөнүндө» конституциялык мыйзам долбоору каралып, экинчи жана үчүнчү окууда кабыл алынды. Бул тууралуу парламенттин басма сөз кызматы билдирет.
Демилгечи – Кыргыз Республикасынын Президенти.
Жыйында баяндама жасаган Конституциялык мыйзамдар, мамлекеттик түзүлүш, жергиликтүү өз алдынча башкаруу жана Жогорку Кеңештин Регламенти боюнча комитетинин төрайымы Гульнара Акимбаева белгилегендей, мыйзам долбоору референдум жөнүндө колдонуудагы мыйзамды 2021-жылдын 11-апрелинде референдум аркылуу кабыл алынган жана Кыргыз Республикасынын Президенти тарабынан 2021-жылдын 5-майында кол коюлган Кыргыз Республикасынын Конституциясына ылайык келтирүүгө багытталган.
Эмне өзгөрдү?
Референдумга электрондук добуш берүү мүмкүнчүлүгүнүн киргизилиши олуттуу өзгөрүүлөрдүн бири болуп саналат.
Ошондой эле референдум маселесин козгоо талаптары да өзгөрүүдө. Мыйзамдын эски редакциясында ар бир жаран же жарандардын тобу Жогорку Кеңешке референдумду дайындоо жөнүндө мыйзам долбоорун киргизүү үчүн кол тамгаларды чогултуу максатында 10 адамдан кем эмес демилгелүү топ түзө алышкан. Жаңы редакцияда демилгелүү топтун мүчөлөрүнүн саны 100 адамга чейин көбөйтүлдү.
Ошондой эле, колдонуудагы мыйзамга ылайык, президент мамлекеттик маанидеги башка маселелер боюнча референдумду өз демилгеси менен же 300 миңден кем эмес шайлоочунун демилгеси менен, же Жогорку Кеңештин депутаттарынын жалпы санынын үчтөн экисинин демилгеси менен дайындоо жөнүндө чечим кабыл ала алган. Жаңы редакцияга ылайык, референдум маселесин Жогорку Кеңештин депутаттарынын жалпы санынын көпчүлүгү козгой алат.
Президент Садыр Жапаров “Жол кыймылынын коопсуздугун камсыз кылуу маселелери боюнча Кыргыз Республикасынын айрым мыйзам актыларына …
Президент Садыр Жапаров «Тышкы миграция жөнүндө» мыйзамга өзгөртүүлөрдү киргизүү тууралуу мыйзамга кол койду. Өзгөртүүлөргө ылайык, …
Жогорку Кенештин депутаттары «Кыргыз Республикасынын Жогорку Кеңешинин Регламенти жөнүндө» мыйзамына өзгөртүүлөрдү киргизүү тууралуу» мыйзам долбоорун …
Кыргыз Республикасынын Президенти Садыр Жапаров “Кыргыз Республикасынын мамлекеттик сыйлыктары, ардак наамдары жана мамлекеттик сый акылары …
Бүгүн Жогорку Кеңештин жыйынында депутат Мирлан Жеенчороевдин ант берүү аземи болуп өттү. Белгилей кетсек, Мирлан …
Кыргызстан менен Германия кызматташтыгын кеңейтүү маселеси талкууланды Жогорку Кеңештин төрагасы Марлен Маматалиев Германия Федеративдик Республикасынын …
