Казакстандын Көкшетау шаарындагы №5510 чек ара бөлүгүндө ооруп калган жоокерлердин саны 49дан ашты. Бул тууралуу жергиликтүү басылмалар Улуттук гвардиянын «Орталык» аймактык командачылыгына шилтеме кылып кабарлашты.
Маалыматка караганда, 23-августтан бери милдеттүү түрдө аскерге чакырылган кеминде 49 жоокер болжолдуу «курч респиратордук инфекция» диагнозу менен ооруканага жаткырылды. Алардын бешөөнөн менингококктук инфекция, төртөөнөн энтеровирустук инфекция аныкталган. Бейтаптарды COVID-19га текшергенде эч кимисинен вирус аныкталган эмес.
Оорукана жумушчуларынын айтымында, бейтап жоокерлердин симптомдору окшош, баары тең чыйрыгып, дене табы 40 градуска чейин жогорулап, калтырак басууда.
«Бейтаптардын бири клиникалык өлүмгө дуушар болду. Текшерүү учурунда анын талмасы кармап, жүрөгү токтоп калган. Реанимациялык аракеттер ийгиликтүү болуп, ал эсине келип, интенсивдүү терапия палатасына которулду. Суу чечек (ветрянка) оорусунан кийин анын иммунитети начарлап кеткен болушу мүмкүн», – деди оорукананын директору Сакен Калымжанов.
Анын айтымында, акыркы күндөрү ооруканага 10 жоокер жеткирилди. Алардын дене табы 38 градуска жетпейт, абалдары туруктуу.
Медиктердин божомолуна ылайык, аскер кызматкерлеринин оорусуна мезгилдик инфекция себеп болгон болушу мүмкүн. Жоокерлердин казармада топтошо жашоосу инфекциянын тез жайылуусуна шарт түзгөн болушу ыктымал.
Улуттук гвардия аталган аскердик бөлүктөгү жоокерлердин арасында бардык тиешелүү дарылоо-алдын алуу иш-чаралары жүргүзүлүп, жаңы учурлар катталбай калганын жана кызматтык териштирүү башталганын билдирди.
Орол шаарын селден коргоо үчүн Батыш Казакстан облусуна кошумча күчтөр жөнөтүлүүдө. Бул тууралуу 22-апрелде казак …
Президент Садыр Жапаровдун 18-19-апрелде Астана шаарына (Казакстан Республикасы) болгон расмий сапары аяктады. Астананын эл аралык …
Президент Садыр Жапаров бүгүн расмий сапар менен Казакстанга учуп кетти. Бул тууралуу президенттин маалымат кызматынан …
Нурсултан Назарбаевдин фонду ири суу ташкындарынын кесепеттерин жоюу боюнча өлкө бийлигинин аракеттерин бардык жактан колдоп …
Президент Садыр Жапаров Казакстандын президенти Касым-Жомарт Токаевдин чакыруусу боюнча 18-19-апрелде Казакстанга расмий сапары менен барат. …
Казакстандын президенти Касым-Жомарт Токаев үй-бүлөлүк зомбулук үчүн жоопкерчиликти күчөткөн мыйзамга кол койду. Ага ылайык, аялдарга …
