Кемпир-Абад иши боюнча айып тагылгандардын арасынан ден соолугуна байланыштуу дарыланып жаткандыктан саясатчылар Кеңешбек Дүйшөбаев менен Бектур Асановдун жана Жогорку Кеңешке шайлоого талапкер болгон Кубанычбек Кадыровдун иши өзүнчө бөлүндү.
Бул тууралуу ушул иш боюнча шек саналып Бишкектеги №1 тергөө абагында жаткан оппозициялык саясатчы Равшан Жээнбековдун абактан жазган каты Фейсбуктагы баракчасына жарыяланды. Маалыматты адвокат Кантемир Турдалиев ырастады.
Бектур Асанов ооруп жаткандыктан 7-февралда, Кеңешбек Дүйшөбаев ушундай эле негиз менен 21-майда эркиндикке чыккан. Кубанычбек Кадыров болсо март айында үй камагына бошотулган. Ал бир мандаттуу №36 Ысык-Кѳл шайлоо округу боюнча Жогорку Кеңештин депутаттыгына талапкерлигин койду.
10-июндагы жараянда прокурорлор соттон Кемпир-Абад иши боюнча айыпталып жаткан саясатчы жана активисттердин ар бирин 20 жылдан абакка кесип, мүлкүн конфискация кылуу жазасын сураган.
Кыргыз-өзбек чек арасындагы Кемпир-Абад суу сактагычынын жери Өзбекстанга өтүп жатканына каршы пикирин билдирген 27 саясатчы, активист жана укук коргоочулар 2022-жылы октябрда камалган. Ушул тапта кармалгандардын ичинен сегиз киши тергөө абагында жатат. Калгандары түрдүү жагдайда эркиндикке чыккан.
«75тин каты» деп аталган иш боюнча айыпталуучулар жабык сот процесси башталгандан кийин алгачкы жолу үн …
Улуттук коопсуздук боюнча мамлекеттик комитеттин (УКМК) мурдагы кызматкерлеринин мыйзамсыз жана коррупциялык иштерине байланыштуу Аскер прокуратурасы …
Акыркы учурда маалымат каражаттарындагы кызыкдар тараптар акыркы беш жылда Улуттук коопсуздук мамлекеттик комитети тарабынан тергелген …
Араван районунда кызмат адамдарына карата кылмыш иши козголду. Бул тууралуу Башкы прокуратурадан билдиришти. Маалыматка ылайык, …
Кыргыздар тууралуу орой айткан Екатерина Бивол издөөгө алынды. Бул тууралуу Бишкек ШИИББинин басма сөз кызматы …
Маданият министрлиги прокуратура козгогон иш боюнча комментарий берди. Министрликтин маалыматына ылайык, «Кыргыз Маданият Сервис» мамлекеттик …
