Кемпир-Абад суу сактагычына эки өспүрүм чөгүп кетти. Маалыматты Ош облустук ички иштер башкармалыгынын маалымат кызматы тастыктады.
Каргашалуу окуя 2-майда катталган. Сууга чөгүп кеткен балдар 14-15 жашта болгон. Балдардын сөөгүн айылдаштары табышкан.
«Милиция соттук-медициналык текшерүүнүн жыйынтыгына таянып, алардын сууга чөгүп кеткенин ырастады. Кемпир-Абад суу сактагычына чөмүлүүгө тыюу салынары тууралуу жазуулар илинген. Бирок ага карабай сууга түшкөндөр болууда»,-деп айтылат маалыматта.
