Кепшн видео: 87 адам набыт болгон Апрель окуясына 11 жыл

• Сексенден ашуун адамдын өмүрү кыйылган 7-апрель окуясына бүгүн 11 жыл толду. Бишкекте президент Садыр Жапаровдун катышуусу менен эскерүү иш-чаралары өттү.

• Аянтка кандуу окуяда курман болгондордун жакындары дагы келип куран окушту. Рахат Шыгаев ыңклабда бир тууган инисин жоготкон. Ал баласын көрбөй кеткенин айтты.

• Жаныбек Ажымамбетов коогалаңда улуу баласынан ажыраган. Ал жыл сайын ушул күнү аянтка келип куран окуп кетет.

• 2010-жылы 7-апрелде эл Бакиевдин үй-бүлөлүк башкаруу режимине каршы чыгышкан.

• Демонстранттарга ок атылып, 87 киши набыт болгон. Миңден ашуун адам жаракат алган.

• Бакиев жакындары менен чет мамлекетке качып, Беларустан башпаанек тапкан.

• Апрель окуясы боюнча 30га жакын кишиге кылмыш иши козголгон.

• Ал эми Курманбек Бакиев өзү жана жакындары сыртынан кесилген.

• Бирок, күнөөлүүлөрдү Кыргызстанга экстрадициялоо аракетинен жыйынтык боло элек…