DPS Skis Cinematic аттуу америкалык лыжа компаниясы туристтик Outdoor Research компаниясы менен биргеликте Кыргызстанда тартылган көчмөндөр тууралуу кыскаметраждуу тасмасын тартуулады. Видео Vimeo аттуу популярдуу ресурска жарыяланган.
Фильмде кыргыздардын маданияты менен үрп-адаты жана тоолорго болгон лыжа саякаты чагылдырылган. Тасманын режиссеру жана редактору Бен Стургулевски болсо, продюсери Стефан Дрейк менен Жордж Кноулес экени айтылат. Тасманы нью-йорктук пианист Екатерина Михайлованын автордук «Көчмөндөрдүн ыры» аттуу композициясы коштогон.