Жалпыга маалымдоо каражаттарынын даттанууларды кароо комиссиясына шаар тургуну Умай Арыковадан Kloop, Kaktus.media жана Азаттык радиосу боюнча арыз түшкөн.
Кайрылууда 18-апрелде үч чоң кадыр-барктуу жана көз карандысыз ресурс маалыматты бурмалаган, окурмандарды адаштырган, ошондой эле журналисттин этика кодексинин 9-беренесин бузган бирдей аталыштагы жаңылыктарды дароо жарыялаганы айтылат.
«Маркум россиялык жоокердин туулган жерин жана улутун көрсөтүп, журналисттер социалдык тармактардын кыргыз сегментинде материалды талкууга алдыруу үчүн маалыматтарды бурмалашууда. Бул атайылап жасалган манипуляция окурманды адаштырып, биздин жаранды согушка катышып каза болгон деп ойлошу мүмкүн. Бул өз кезегинде кыргызстандыктар арасында да өз ара ксенофобияны пайда кылышы мүмкүн, алар биздин жаран Украинада курман болгон деп эсептешсе, украиналык окурмандар арасында биздин жоокерлер Орусия тарабында согушка катышып жатат деп ойлошу мүмкүн», — деп жазат ал өз арызында.
Комиссия кийинки отурумунда арызды карайт.
18-апрелде Украинада дагы бир теги кыргызстандык каза болгону кабарланган.
