8-декабрда Бишкектеги «Бишкек парк» соода борборунда «Жаш күч» спорттук клубунун аралаш мушташ боюнча «Jash Kuch Fighting Championship-2017» эл аралык турниринин спортчуларынын кезигүүсү болуп өттү.
Эскерте кетсек, эртең 9-декабрда борбордогу Кожомкул атындагы спорт сарайда «Жаш күч» спорттук клубунун аралаш мушташ боюнча «Jash Kuch Fighting Championship-2017» эл аралык турнири өтөт. Аталган турнир 12 беттеш менен өтөт. Анын ичинде кыргызстандык «Жаш күч» жана Чеченстандын «Ахмат» спорттук клубунун мушкерлери «Жекеме жеке» мелдештик жолугушуусун өткөрөт. Эки командадан төрттөн мушкер чыкмакчы. Ал эми кеченин башкы беттешине чемпиондук кур коюлган.
