Бүгүн, 27-апрелге караган түнү өзгөчө абал режими бар аймактарда коменданттык сааттын эрежелерин бузган 80 адам кармалды. 6 автоунаа айып короого токтотулду, деп билдирди Ички иштер министрлигинин басма сөз кызматы.
30-апрелге чейин Бишкек, Ош, Жалал-Абад, Нарын шаарлары, Ноокат, Кара-Суу, Сузак жана Ат-Башы райондорунда өзгөчө абал режими жарыяланган. Саат 21.00 – 06.00 аралыгы коменданттык саат.
Бүгүн түнү кармалгандар:
— Бишкек шаары– боюнча 66 адам;
— Ош шаарында 1;
— Жалал-Абад шаарында 5;
— Сузак районунда 2;
— Нарын шаарында 4;
— Ат-Башы районунда 2 адам кармалган.
Кара-Суу жана Ноокат райондорунда коменданттык сааттын эрежелерин эч ким бузган эмес.
Жалпысынан коменданттык саат башталган 25-марттан бери эреже бузган 3582 адам кармалган.