Комитет:18 күн ачкачылык кармаган саясатчылардын өмүрүн президент сактап калат

Бишкек. 16.02.2018. Govori.TV.

Кыргызстандагы Сөз эркиндигин коргоо комитети абакта ачкачылык кармап отурган үч саясатчынын абалына көңүл бурууну суранып, президентке жана Жогорку Кеңешке кайрылды.

«Саясий ачкачылыктын он сегизинчи күнүндө үч патриоттун өмүрү –Асанов, Кадыров, Карыбековдун президенттин жана парламент депутаттарынын гана колунда экендигин билдиргенге аргасызбыз»,- деп айтылат маалыматта.

16-февралда комитеттин сайтына жарыяланган кайрылууда Улуттук коопсуздук мамлекеттик комитетинин башчысы Абдил Сегизбаевдин, соттордун, прокурорлордун ишмердигин текшерүү үчүн мамлекеттик комиссия түзүү, аларга нааразы болгон элдин үнүн угуп, мыйзамсыз иштерге чара көрүү өтүнүчү келтирилген.

Ачкачылык кармап жаткан камактагы саясатчылар Кубаныч Кадыров менен Эрнест Карыбековду, 15-февралда биринчи убактылуу кармоочу жайга которушту (СИЗО-1). Ал эми Бектур Асанов али 47-колонияда кармалууда.

Ачкачылык кармаган саясатчылардын жакындары 14-февралда Жогорку Кеңештин алдында акцияга чыгып, президенттен жана соттордон аталган саясатчыларга көңүл бурууну, алардын ишин калыс кароону, УКМКнын жетекчиси Абдил Сегизбаевдин кызматтан кетишин да талап кылышкан.

«УКМКнын жетекчиси Абдил Сегизбаев кызматтан кетсин» жана «соттор адилет чечим чыгарсын» деген талаптар менен камактагы Бектур Асанов 30-январдан, Карыбеков 31-январдан, Кадыров 1-февралдан бери «кургак ачкачылык» кармай баштаган. Алар «бийликти күч менен басып алууга аракеттенген» деп 2016-жылы камалган. Сот Асанов менен Карыбековду 12 жылга, Кадыровду 20 жылга түрмөгө кескен.

Эскерте кетсек, бийликти күч менен басып алууга аракеттенген, деген айып менен камакта отурган Бектур Асанов 2-февралдагы Бишкек шаардык сотундагы жараянда УКМК жетекчиси Абдил Сегизбаевдин отставкага кетишин талап кылды. Бектур Асанов сөз сүйлөп, анын талаптары аткарылбаса, акырына чейин ачкачылык кармап, кийинки процесске мажбурласа да келбей турганын, адвокаттардан баш тартарын айткан. «Үчөөбүз тең акыр-аягына чейин саясий ачкачылык кармайбыз. Же Сегизбаев кетет, же биз үчөөбүз өлөбүз. Мен адвокаттардан баш тартам. Мамлекеттик адвокаттарды да албайм. Көтөрүп келсеңер да келбейбиз”, – деген сөзүн айыпталуучулардын жакындары жана Бишкектеги «Саясий туткундарды коргоо комитети» уюму интернетке жарыялаган.

«Мамлекеттик сыр» деген негизде райондук жана шаардык сот саясатчылардын ишин жабык териштирди.

Подписаться:

Тема боюнча

Тбилисиде «чет элдик агент» мыйзамына каршы акция өттү

Жекшембиде Тбилисиде оппозиция «чет элдик агент» жөнүндө мыйзамга каршы жүрүш өткөрдү. Демонстранттар «Республика» аянтынан грузин …

Кененирээк

Тбилисиде «чет элдик агент» мыйзамына каршы акциялар уланууда

Грузияда Орусиянын чет элдик агенттер жөнүндөгү мыйзамына окшош деп аталган «Чет өлкөлүк таасирдин ачыктыгы жөнүндө» …

Кененирээк

Казакстанда «аэропорт иши» боюнча соттолгон активист ачкачылык жарыялады

«Алматы аэропортун басып алуу» иши боюнча 4 жылга соттолгон активист Айгерим Тлеужанова Алматы облусунун Жаугашты …

Кененирээк

Масалиев Мадумаровдун боштондукка чыгарылбай жатканын сынга алып, кайрылуу жасады

Бүгүн, 3-апрелдеги Жогорку Кеңештин жалпы жыйыны учурунда депутат Исхак Масалиев сөз сүйлөп, фракциянын лидери, учурда …

Кененирээк

«Чет элдик өкүл» мыйзамы: Юрист Эргешбаева президентке кайрылуу жолдоду

Юрист Таттуубүбү Эргешбаева талаш жараткан “чет өлкөлүк өкүл” мыйзам долбооруна байланыштуу президент Садыр Жапаровго кайрылуу жолдоду. «Урматтуу …

Кененирээк

Оштогу бейөкмөт уюмдары Жапаровго кайрылуу жолдошту

«Коммерциялык эмес уюмдары жөнүндө» мыйзам долбооруна байлануштуу Оштогу бейөкмөт уюмдары президент Садыр Жапаровго кайрылуу жолдошту. …

Кененирээк