Кыргызстандын Улуттук банкы эсептик чен өлчөмүн 4,75% деңгээлде сактады. Бул тууралуу маалымат жыйынында журналисттерге Улуттук Банктын төрагасы Толкунбек Абдыгулов билдирди.
Абдыгулов айтымында Кыргызстанда инфляция төмөн деңгээлде калуу динамикасын улантууда. “2018-жылдын август айында инфляция жылдык мааниде 1% түзгөн”, — деп кошумчалады ал. 2018-жылдын январь-июль айларынын жыйынтыгы боюнча реалдуу ИДП 0,2% кыскарган, ошол эле кезде “Кумтөр” кенин эсепке албаганда, экономиканын өсүшү 2,2%ды түзгөн.
“Экономиканын өсүшү айыл-чарба, курулуш, соода жана унаа тармактарында активдүү байкалууда», — деп кошумчалады Улуттук Банктын төрагасы.