КРВИнин өсүшү: Бишкек мэриясы жарандарга сунуштарды берет

Бишкек шаарынын Мамлекеттик санитардык-эпидемиологиялык көзөмөлдөө борборунун маалыматы боюнча, курч респиратордук вирустук инфекциянын өсүшү байкалууда. Бул тууралуу Бишкек мэриясы кабарлайт.

Маалыматка ылайык, 2022-жылдын башынан бери КРВИнин 78 миң 656 учур катталды, 2021-жылдын ушул мезгилинде 78 миң 368 учур катталган. Ошол эле учурда оорунун 0,3%га өсүшү байкалууда. Оорулардын эң көп үлүшү 14 жашка чейинки балдарда – 48 миң 287 учур (61,3%), анын ичинен 1 жашка чейинки балдарда 7964 учур (16,4%), 1 жаштагы балдарда – 6203 учур (12,8%), 2-4 жаштагылар – 14838 учур (30,7%). 15-17 жаштагылар – 4807 учур (6,1%) 18 жаштан жогору – 25562 учур (32,4%).

«Сасык тумоо жана КРВИ вирустары адамдын респиратордук ооруларын ар кандай оордукта жаратат. Оорунун белгилери кадимки (сезондук) сасык тумоого окшош. Оорунун оордугу бир катар факторлорго, анын ичинде организмдин жалпы абалына жана жашына жараша болот. Ооруга чалдыккандар: улгайган адамдар, жаш балдар, өнөкөт оорулар (астма, диабет, жүрөк-кан тамыр оорулары жана башкалар) жана иммунитети начар адамдар», — деп айтылат маалыматта.

Азыркы учурда КРВИ инфекциясын көзөмөлдөө кыйын бойдон калууда: себеби вирустардын жогорку жугуштуулугу жана вирустардын түрлөрүнүн өзгөрмөлүүлүгү.

Эпидемиялык мезгилде жөнөкөй эрежелерди сактоо керек:

• колдун гигиенасын сактаңыз-колду самындап жууп туруңуз. Эгер колуңузду самындап жууганга мүмкүн болбосо, дезинфекциялоочу майлыктарды колдонуңуз;
• сиз көп тийген жерлерди (столдор, отургучтар, эшиктин туткалары ж. б.) үй жуучу каражаттар менен тазалаңыз жана дезинфекциялаңыз;
• «дем алуу этикетин» сактаңыз (чүчкүргөндө же жөтөлгөндө оозуңузду жана мурдуңузду бет аарчы менен жабыңыз, мурдуңузга, оозуңузга жана көзүңүзгө тийбеңиз ж. б.);
• эл көп жерлерге баруудан жана саякаттоодон алыс болуңуз, КРВИнин белгилери бар адамдар менен 1 метрден аз аралыкта байланышуудан алыс болуңуз;
• сергек жашоо образын карманыңыз (жетиштүү уйку жана тамактануу, оптималдуу физикалык активдүүлүк).

Сасык тумоо жана курч респиратордук оору менен ооруган учурда төмөнкү көрсөтмөлөрдү аткаруу өтө маанилүү:

• зарыл болсо-дарыгерге кайрылып, анын бардык сунуштарын так аткарыңыз;
• төшөктө эс алуу;
• мүмкүн болушунча үй жаныбарлары менен, айрыкча балдар менен байланышты чектөө, аларга жуктурбоо үчүн;
• бөлмөнү желдетип туруңуз;
• бардык дары-дармектер дарыгердин көрсөтмөсү боюнча гана колдонулат.

«Сасык тумоого каршы күрөшүүнүн бирден-бир далилдүү ыкмасы — бул атайын алдын алуу-вакцина профилактикасы. Оорунун алгачкы белгилери байкалганда дарыгерге кайрылуу керек, анткени рационалдуу өз убагында тандалган терапия — тез жана туруктуу айыгуунун ачкычы», — деп белгилешти мэриядан.

Эске салсак, учурда шаардык үй-бүлөлүк медицина борборлору бейтаптарды төмөнкү иш сааттар менен кабыл алууда:

— иш күндөрү жана ишемби күнү саат 08.00 дөн 18.00гө чейин;
— жекшемби күнү саат 08.00 дөн 14.00гө чейин.

Бишкек шаарынын үй-бүлөлүк медицина борборлорунун каттоо жайларынын актуалдуу телефондору:

• №1 ҮМБ — 0312 64 45 42;
• №2 ҮМБ — 0312 21 03 57;
• №3 ҮМБ — 0312 32 52 32;
• №4 ҮМБ — 0312 43 39 07;
• №5 ҮМБ — 0312 63 51 23;
• №6 ҮМБ — 0312 57 02 84;
• №7 ҮМБ — 0312 66 20 44;
• №8 ҮМБ — 0312 42 69 62;
• №9 ҮМБ — 0312 21 17 32;
• №10 ҮМБ — 0312 67 82 74;

Ошондой эле саат 9:00дөн 18:00гө чейин 118 ишеним телефону иштейт, ал бардык кайрылгандарга консультациялык жардам көрсөтөт.

Бишкек мэриясы вирус жайылып кетпеши үчүн беткап кийүүнү сунуштайт. Ошондой эле ата-энелерге курч респиратордук инфекциянын белгилери бар балдар үйдө калып, мектепке чейинки билим берүү уюмдарына жана мектептерге барбашы керектигин эскертет.

Подписаться:

Тема боюнча

Бишкек мэриясынын жер пайдаланууну контролдоо башкармалыгынын башчысынын орун басары кармалды

Муниципалдык жерлерге коммерциялык объекттерди мыйзамсыз тургузуу фактысы боюнча Бишкек шаарынын мэриясынын жер пайдаланууну контролдоо башкармалыгынын …

Кененирээк

Өлкөдө КРВИ жана сасык тумоонун өсүшү байкалууда

Кыргызстанда КРВИ жана сасык тумоонун эпидемиялык сезонунун келиши менен республика боюнча оорунун өсүшү байкалууда. Бул …

Кененирээк

Мэрия жарандарга жеке унаанын ордуна коомдук транспорт колдонууну сунуштайт. Себеби?

Бишкек шаарынын мэриясы учурдагы аба ырайына байланыштуу шаардыктарды коомдук муниципалдык транспортко которууну сунуштайт. Бул тууралуу …

Кененирээк

Мэрия айдоочуларды жумушка чакырат

Бишкек жүргүнчүлөр автотранспорт ишканасы «D» категориясындагы айдоочуларды ишке чакырат. Муниципалитеттен билдиришкендей, «ВС» категориясы бар айдоочулар …

Кененирээк

Бишкекте 13,9 млн сомдук жер тилкеси мэриянын балансына кайтарылды

Башкы прокуратурадан билдиришкендей, Ленин райондук прокуратурасы тарабынан КР Жер кодексинин талаптарынын аткарылышына карата текшерүү жүргүзүлдү. …

Кененирээк

Сурамжылоо: Ош базар менен автобекеттерди шаар сыртына чыгарууга кошуласызбы?

Бишкектин мэри Эмилбек Абдыкадыров «Ош» базары менен батыш жана чыгыш автобекеттерин шаардын тышына көчүрүү долбоорлору …

Кененирээк