Бишкек.18.06.2019.Govori.TV.
18-июнь күнү А. Атамбаевдин тарапташтары журналисттерге уюштурган маалымат жыйында, журналисттердин Атамбаев өзү учурда каякта? деген суроолоруна КСДПнын өкүлү Кундуз Жолдубаева жооп берди.
«Акыркы убакта Алмаз Шаршеновичти өлкөдөн чыгып кетти деген жалган маалыматтар байма-бай чыгып келет. Бирок ал чындыкка дал келбейт. Мындай провакциялар менен Атамбаевди дагы Бакиев, Акаев сыяктуу качып кетти деген атка кондургулары келип жатат. Учурда ал Кыргызстанда бүгүн дагы иш ордуна иштеп жатат»,-деди Жолдубаева.
