22-сентябрда Кыргыз Республикасынын тышкы иштер министри Р.Казакбаев Нью-Йорк шаарында өтүп жаткан БУУнун Башкы ассамблеясынын 76-сессиясынын алкагында Түркиянын тышкы иштер министри М.Чавушоглу менен «Түрк үйүнүн» жаңы имаратында жолугушту.
КРнын Тышкы иштер министрлиги билдиргендей, жолугушуунун жүрүшүндө тараптар кыргыз-түрк стратегиялык кызматташтыгынын учурдагы күн тартибиндеги маселелердин бардык спектрин талкуулашты. Ошондой эле жакынкы, орто жана узак мөөнөттүү эки тараптуу жана көп тараптуу өз ара аракеттенүүнүн артыкчылыктуу багыттарын белгилешти.
Тараптар Түркиядагы Кыргыз Республикасынын жарандарынын абалы боюнча маселени дагы талкуулашты.
Андан тышкары БУУнун органдарына, анын ичинде 2023-2025-жылдарга БУУнун Адам укуктары боюнча кеңешине жана БУУнун Коопсуздук кеңешинин 2027-2028-жылдардагы туруктуу эмес мүчөлөрүнө Кыргыз Республикасынын талапкерлигин өз ара колдоо жана андан ары илгерилетүү маселелери боюнча пикир алмашуу болду.
Тараптар Ооганстандагы кырдаал боюнча да пикир алмашышты. Бул контекстте Ооганстан боюнча өтө турган Түрк кеңешинин Министрлер кеңешинин күн тартиби талкууланды.
Түркиянын тышкы иштер министри М.Чавушоглу түрк тараптын саясий, соода-экономикалык жана маданий-гуманитардык чөйрөлөрдө активдүү кызматташтыкты мындан ары өнүктүрүүгө терең кызыгуусун ырастады.
Кыргызстандын Президенти Садыр Жапаров менен Азербайжандын Президенти Ильхам Алиев бүгүн, 25-апрелде, Хыдырлы айылында болочок орто …
Жогорку Кеңештин төрагасы Нурланбек Шакиев Монголиянын Улуу Мамлекеттик Хуралынын төрагасы Гомбожавын Занданшатар менен жолугушту. Бул …
2024-жылдын 22-23-апрелинде Улуу Британиянын тышкы иштер министри Лорд Дэвид Кэмерон Кыргызстанга расмий сапары менен келет. …
КР Президенттик администрациясы Сорос фондунун Кыргызстандагы өкүлчүлүгүн жабуу жөнүндө чечим боюнча комментарий берди. «Фонд командасы …
15-апрелде КРдин Индиядагы Элчиси Аскар Бешимов менен Индиянын Тышкы иштер министринин жаңы дайындалган орун басары …
Кыргызстан Казакстандын суу каптоодон жабыркаган алыскы облустарына “Жардам кербенинин экинчи партиясын жөнөттү. ӨКМден билдиришкендей, жети …
