Кыргызстан менен Тажикстандын футбол боюнча улуттук курама командаларынын беттеши тең чыгуу менен аяктады.
Бүгүн, 14-июнда футбол боюнча Азия кубогуна тандоо турунун алкагында Кыргызстан менен Тажикстандын улуттук курама командаларынын оюну өттү.
Беттеш 2023-жылы өтө турган футбол боюнча Азия кубогуна тандоо турунун алкагында Бишкектеги Дөлөн Өмүрзаков атындагы стадионунда болууда. Стадионго 17 миң 340 футбол күйөрманы келди. Ошондой эле президент Садыр Жапаров, биринчи айым Айгүл Жапарова, министрлер кабинетинин төрагасынын орун басары, УКМК төрагасы Камчыбек Ташиев да футбол көрүүдө.
Эске салсак, буга чейин Кыргызстан Сингапурду (2:1) жана Мьянманы (2:0) жеңген.
