Ала-Тоо аянтындагы концерт Маданият министри Алтынбек Максүтов режиссер болгон Кара-Кыргыз автономиялуу облусунун түзүлүшүнүн 100, Көз карандысыздыктын 33 жылдыгына арналган театрлаштырылган көргөзмө менен башталды.
Анда 1924-жылдан, Кара-Кыргыз автономиялуу облусунун түптөлүшүнөн берки тарыхты көрсөтүп, Улуу Ата Мекендик согуш темасы, кийинки доор баяндалды.
Өзгөчө 1937-жылдагы кыргыз интеллигенция өкүлдөрүнүн репрессияланышы, аларды камакка алып кетип бараткан учур көпчүлүктүн көзүнө жаш тегеретти.