Кыргыз Республикасынын Мамлекеттик катчысы Арслан Койчиев бүгүн, 5-мартта, кыргызстандыктарды Ак калпак жана улуттук кийим күнү менен куттуктады.
Мамлекеттик катчы, биз мамлекеттик деңгээлде биздин элибиздин өзгөчө сыймыктануучу майрамы болгон Ак калпак жана улуттук кийим күнүн салтанаттуу түрдө белгилеп жатабыз, деп айтат.
“Ак калпак жөн гана баш кийим эмес. Ал элибиздин тарыхый эс тутуму, ата-бабаларыбыз бизге мурас катары калтырган ыйык символ, ар-намыстын, тазалыктын, асылдыктын жана улуулуктун чагылдырылышы. Кылымдарды аралаган кыргыз эли үчүн ак калпак улуттук биримдиктин, каада-салттардын жана руханий баалуулуктардын ажырагыс бөлүгүнө айланган. Улуттук кийим – бул элдин жүзү, анын маданияты жана дүйнө таанымы. Кыргыз улуттук кийиминин ар бир оюмунда, ар бир деталында терең философиялык маани бар. Алар көчмөн цивилизациянын жогорку эстетикасын, адамдын жаратылыш менен айкалышын жана анын руханий тереңдигин туюндурат”, — дейт Койчиев.
Анын айтымында, глобалдашуу доорунда улуттук өзгөчөлүктү сактоо – мамлекеттик көз карандысыздыкты жана руханий эркиндикти сактоо дегенди билдирет. Заманбап өнүгүү жолунда ишенимдүү бара жатып, биз улуттук баалуулуктарыбызды, каада-салттарыбызды, эне тилибизди жана маданий мурасыбызды аяр сактап, өркүндөтүшүбүз керек.
“Ата-бабаларыбыз калтырган баалуулуктарды жаш муунга өткөрүп берүү өзгөчө маанилүү. Бул ар бир үй-бүлөнүн, билим берүү мекемелеринин жана бүтүндөй коомдун ыйык милдети. Өз тарыхын билген жана маданияты менен сыймыктанган, улуттук аң-сезими бекем муун – мамлекетибиздин келечегинин бекем жана гүлдөп-өнүгүшүнүн ишенимдүү кепилдиги. Ак калпак Ала-Тоонун бийиктигинин, улуулугунун жана элдин жан дүйнөсүнүн тазалыгынын символу болуп саналат. Аны кийген ар бир кыргыз жараны өз элинин тарыхын, маданиятын жана Мекен алдындагы жоопкерчилигин жүрөгүндө алып жүрөт,” — деди Койчиев.
Министрлер кабинетинин төрагасы Адылбек Касымалиев Дүйнөлүк айлана-чөйрөнү коргоо күнүнө карата кызматкерлерди кесиптик майрамы менен куттуктады. …
Президент Садыр Жапаров кыргызстандыктарды Жаңы 2026-жыл менен куттуктады. Мамлекет башчысынын жаңы жылдык куттуктоосунун тексти: “Ардактуу …
Министрлер кабинетинин төрагасы Адылбек Касымалиев кыргызстандыктарды Илим күнү менен куттуктады. Төмөндө куттуктоонун тексти: “Урматтуу кесиптештер, …
Бүгүн эл аралык коомчулук Кыргызстандын демилгеси менен Ак илбирстин эл аралык күнүн алгачкы жолу расмий …
Кыргыз Республикасынын Президенти Садыр Жапаров бүгүн, 1-сентябрда кыргызстандыктарды Билим күнү менен куттуктады. Мамлекет башчысынын сөзү: …
Министрлер кабинетинин төрагасы Адылбек Касымалиев телефон аркылуу сууда сүзүүчү Денис Петрашовду Сингапурдагы суу спорту боюнча …
