Кыргызстанда бала бакчалар 5-июндан тарта иштеп баштайт. Бул тууралуу биринчи вице-премьер-министр Кубатбек Боронов 29-майдагы брифингде билдирди.
Анын айтымында, бала бакчалардын даярдыгы мэрия тарабынан көзмөлгө алынат.
“Мектепке чейинки билим берүү уюмдары 5-июндан тарта иштей башташат. Алардын иши, Саламаттык сактоо министрлигинин алгоритмине ылайык, бардык санитардык талаптарды сактоо менен жүргүзүлөт. 5-июндан башталышынын себеби, ага чейин иштей турган уюмдардын даярдыгына текшерүү жүргүзүлүп, ар бир уюмга жекече уруксат берилет”, — деди Боронов.