Кыргызстанда дагы 9 бейтап коронавирустан айыкты. Бул тууралуу өкмөт үйүндөгү маалымат жыйында саламаттык сактоо министринин орун басары Мадамин Каратаев билдирди.
«Сутка ичинде Бишкек шаарынан 5, Ош облусунан — 2, Нарын облусунан — 1, Ош шаарынан -1 бейтап коронавирустан айыгып, үйлөрүнө чыгарылды. Республика боюнча бүгүнкү күнгө карата жалпы 735 бейтап айыгып, ооруканадан чыгарылды», — деп билдирди ал.