Кыргызстандын Чүй облусундагы айланма жолу акы төлөнөт. Бул тууралуу Жогорку Кеңештин «Ишеним» фракциясынын жыйынында Транспорт жана коммуникация министринин биринчи орун басары Нурланбек Кайынбаев билдирди.
Анын айтымында, айланма жол реконструкцияланат.
«105 чакырым жолдо реконструкция иштери жүрөт. Кайра курууга 150 миллион доллар керектелет. «Дордой» базарынын айланасында тыгын көп экенин билесиздер, ошол жакка алты тилкелүү жол салууну пландап жатабыз. Калган бөлүктөрү төрт тилкелүү болот. Айланма жол убагында октук басымда 10 тоннага ылайыкталып жасалган, азыр аны 11,5 тоннага ылайыкташтырабыз. Азыр инвестор издеп жатабыз» — деди ал.
Нурланбек Кайынбаев белгилегендей, Өзгөн шаарынын айланып өтүүчү жолу да акы төлөнөт.
Буга чейин Транспорт министрлиги альтернативалык Бишкек-Кара-Балта-Чалдовар жолу да акы төлөнөрүн билдирген.
Кыргызстанда аба ырайына байланыштуу айрым унаа жолдору убактылуу жабык. Бул тууралуу Жол кыймылынын коопсуздугун камсыздоо …
Жол кыймылынын коопсуздугун камсыздоо башкы башкармалыгы кар жаап, аба ырайынын өзгөрүүсүнөн улам өлкө аймагындагы айрым …
