Кыргызстанда “Супер кайната” мелдеши өткөрүлөт

Бишкек. 13.11.2018.Govori.TV.

Кыргызстандын Талас, Ысык-Көл, Баткен жана Ош облустарынын 16 айылында “Супер кайната” мелдеши болуп өтөт. Бул тууралуу иш-чараны уюштура турган Бириккен Улуттар Уюмунун Аялдар түзүмүнүн Кыргызстандагы өкүлчүлүгү билдирди.

Айылдардан белгиленген талаптарга ылайык, 45 жаштан жогору, коомчулукка оң таасир тийгизүүнү каалаган, чыгармачыл, аткаруучулук жөндөмү жана тапкычтык шыгы бар төрттөн кайната тандалып алынат. Алар мелдештин бир нече турларында күч сынашат.

Таймаштын жыйынтыгында бардык катышуучуларга белектер берилип, “Супер кайната”, “Акылман/мыкты кайната”, “Чыгармачыл кайната” жана “Шайыр кайната” номинацияларында жеңүүчүлөр аныкталат. Жеңүүчүлөргө баалуу сыйлыктар берилет.

Мелдеш гендердик зомбулук көйгөйүнө көңүл бурууну, жаштардын жана улгайган адамдардын чыгармачылык дараметин көрсөтүүнү жана муундар арасындагы байланышты бекемдөөнү максат кылат. Мелдеши ноябрь айынын аягына чейин өтөт.

Сынак “Кыргызстанда муун аралык жана гендердик чектер алкагында коомчулуктардын гендердик зомбулукка каршы күрөшү” долбоорунун алкагында өткөрүлөт. Бул долбоор “ХелпЭйдж Интернэшнл” жана “Агенты перемен” коомдук бирикмеси менен шериктештикте Европа Биримдигинин каржылык колдоосу астында жүзөгө ашырылмакчы.

Буга чейин Кыргызстанда “Супер келин” жана “Супер кайнене” деген жарыштар өткөрүлүп келген.

Подписаться:

Тема боюнча

Прагада Кыргызстандын ардактуу консулдугу ачылды 

3-майда Прага шаарында Кыргызстандын Чехиядагы ардактуу консулдугунун ачылышына арналган расмий иш-чара өттү. ТИМден билдиришкендей, иш-чарага …

Кененирээк

Ташкентте Кыргызстандын элчилигинин жаңы имараты ачылды

Ташкент шаарына (Өзбекстан) болгон жумуш сапарынын алкагында КР министрлер кабинетинин төрагасы – президенттин администрациясынын жетекчиси …

Кененирээк

3-майда Кыргызстанда күн ысыйт

Кыргызстан боюнча 3-майда түнкүсүн жана күндүзү жаан-чачын күтүлбөйт. Бул тууралуу Кыргызгидромет билдирет. Батыштан келген шамалдын …

Кененирээк

Кыргызстан Азербайжанга белек катары мектеп куруп берет

Кыргызстандын Президенти Садыр Жапаров менен Азербайжандын Президенти Ильхам Алиев бүгүн, 25-апрелде, Хыдырлы айылында болочок орто …

Кененирээк

Улан-Батордо Кыргызстан менен Монголиянын парламент төрагалары жолукту 

 Жогорку Кеңештин төрагасы Нурланбек Шакиев Монголиянын Улуу Мамлекеттик Хуралынын төрагасы Гомбожавын Занданшатар менен жолугушту. Бул …

Кененирээк

Кыргызстанга Улуу Британиянын тышкы иштер министри келет

2024-жылдын 22-23-апрелинде Улуу Британиянын тышкы иштер министри Лорд Дэвид Кэмерон Кыргызстанга расмий сапары менен келет. …

Кененирээк