2-6-декабрда Кыргызстандын Новосибирск шаарындагы башкы консулдугунун колдоосу менен «Кыргыз Экспорт» экспортту өнүктүрүү жана илгерилетүү борборунун делегациясы жана кыргыздын алдыңкы тамак-аш ишканаларынын өкүлдөрү «Сибирь азык-түлүк жумалыгы – 2024» көргөзмөсүнө катышты. Бул тууралуу Тышкы иштер министрлиги билдирди.
Көргөзмөдө өндүрүүчүлөр сүт азыктары, табигый ширелер, компоттор, эт жана колбаса азыктары, кургатылган жемиштер, жарым фабрикаттар, консервацияланган жана жаңы жашылча-жемиштер сыяктуу продукцияларды тааныштырууга жана дегустациялоого мүмкүнчүлүк алышты.
Иш-чаранын жүрүшүндө кыргыз өндүрүүчүлөрү орусиялык чекене соодагерлер жана импорттоочулар менен жолугушууларды өткөрүштү. Анын натыйжасында кыргыз продукциясын Сибирь федералдык округунун базарына жеткирүү боюнча макулдашууларга жетишилди.
Мындан сырткары, делегация Новосибирск облусунун өнөр жай, соода жана ишкердикти өнүктүрүү министри А.А. Гончаров, ошондой эле ири соода-логистикалык борборлордун жетекчилери: «Новосибирск соода-өнөр жай палатасы», «Хилок базары», «Русагромаркет», «Фудсиб» жана «Азия-Сибирь» менен жолугушууларды өткөрдү.
Жолугушуулардын жүрүшүндө делегация Новосибирск облусунун ири соода-логистикалык борборлорунун мүмкүнчүлүктөрү менен таанышып, Кыргызстандын жашылча-жемиш жана тамак-аш азыктары үчүн кампаларды ачуу маселесин талкуулашты.
Президент Садыр Жапаров бүгүн, 8-июнда өлкөгө расмий сапары менен келген Кипрдин тышкы иштер министри Константинос …
Бишкек шаарында тышкы иштер министри Жээнбек Кулубаев менен Кипрдин тышкы иштер министри Константинос Комбостун жолугушуусу …
Күн мурун Тышкы иштер министри Жээнбек Кулубаев расмий сапарынын алкагында Мозамбик Республикасынын президенти Даниэл Франсишку …
Бүгүн тышкы иштер министри Жээнбек Кулубаевдин Тогонун тышкы иштер, кызматташтык, африкалык интеграция жана чет өлкөдөгү …
Тышкы иштер министри Жээнбек Кулубаев Москва шаарында өткөн Россия жана Борбор Азия өлкөлөрүнүн тышкы иштер …
Кыргызстандын айдоочулук күбөлүгү эл аралык талаптарга жооп берет. Бул тууралуу тышкы иштер министринин орун басары …
