Кыргызстандын Түркиядагы элчиси Руслан Казакбаев кыргыз жарандарынын Түркия өлкөсүндө визасыз жүрүү тартиби тууралуу түшүндүрмө берип, төмөнкүлөргө токтолду.
«Азыркы учурда мурунку эле визасыз режими иштеп жатат, 90 күнгө чейин визасыз режим бар. Бирок, өткөн жылдан баштап Түркияда мыйзамсыз жүргөн мигранттарга карата катаал текшерүүлөр башталды. Мыйзамсыз жүргөндөр өлкөдөн чыгарылды, алардын арасында биздин да жарандар бар. Бул жылы көптөгөн сүйлөшүүлөр жүрдү. Баарына түшүнүктүү болуусу үчүн 90 күндүк визасыз режими бар. Бирок, жайкысын биздин жарандар тарабынан да визасыз режимди бузуулар көбөйөт, себеби, жер ортолук деңиздеги курортторго барып иштешет. Антальяда курорттук сезон 7 айдан ары болгон үчүн, кийин көпчүлүгү мыйзам бузуп жүргөн мигранттарга айланып калышат. Анан сыртка чыккандан кийин ал 90 күндүк режим 180 күндүн ичинде деп аталган ошондуктан 90 күндөн кийин сыртка чыккандан кийин дагы 3 айдан кийин гана кирүүгө мүмкүнчүлүгү бар. 180 күндүн ичинде 90 күнү визасыз режим. Бул 90 күн туристтик гана максатка ылайыкталган», — деди Руслан Казакбаев.
Элчи өткөн жылга чейин туристтик виза менен Түркияга кирип андан ары жумуш визасына алмаштырып алуу мүмкүнчүлүгү бар болгонун, бирок, азыр андай мүмкүнчүлүк болбой калганын кошумчалады.
Элчи тараптар Түркияда жүргөн кыргызстандыктар үчүн визасыз режимди алты айга чейин узартууну да макулдашканын белгиледи.
«Түркия үч айга берилген туристтик визанын мөөнөтү бүткөн жарандар жумуш таап, өлкөдө жүрүүсүн мыйзамдаштырып алышы үчүн акыркы эскертүү жана мүмкүнчүлүк берип жатат», — деди Руслан Казакбаев.
Анын айтымында, Түркияда 20 миңдей кыргызстандык бар, ал эми жайкысын алардын саны 40 миңге чейин жетет.
Стамбулда 2-апрелде өрт кырсыгынан кеминде 27 адамдын өмүрү кыйылды. Өрт шаардагы 16 кабат имараттын жертөлөсүндө …
Стамбул шаарында терактка даярданган деп шектелген Тажикстандын жараны менен Кыргызстандын атуулунун кармалышы боюнча ЖМКларында тараган …
Кыргызстандын грек-рим күрөшү боюнча курама командасы Түркияда өткөн «Yasar Dogu, Vehbe Emre & Hamit Kaplan» …
Түркияда «Ислам мамлекети» (ИМ) террордук тобуна байланышы бар деген шек менен 33 киши кармалды. Алар …
АКШ Кыргыз Республикасынын жарандарына берилген жаңы туристтик жана ишкердик визаларынын мөөнөтүн беш жылдан он жылга …
Жогорку Кеңештин депутаты Айбек Осмонов Түркияга дарылануу үчүн кеткен. Бул тууралуу ал 28-февралда “Азаттыкка” билдирген. …
