Бүгүн, 27-октябрда Кыргызстанга 250 миң доза Pfizer жана 111 миң 600 доза Sinofarm вакцинасы келди.
Саламаттык сактоо министрлигинин басма сөз кызматы билдиргендей, Pfizer COVID-19га каршы дүйнө жүзү боюнча 172 өлкө кирген COVAX демилгесинин линиясы аркылуу Кыргызстанга келген үчүнчү вакцина.
Белгиленгендей, вакцина АКШ өкмөтү тарабынан берилген.
“Биз коронавируска каршы биргеликте курөшүшүбуз керек. АКШ бул вакциналарды берип жатат жана ар бир адам коопсуз жана натыйжалуу вакцинаны ала алышы үчүн кыргыз өкмөтүнүн эмдөө кампаниясына каржылык колдоо көрсөтүүдө”, — деди АКШ өкүлү Соната Коултер вакцина берүү аземинде.
Pfizer вакцинасы менен бирге Кыргызстан бүгүн COVAX демилгеси тарабынан берилген Sinofarm вакцинасынын 111 миң 600 дозасын жана вакциналар үчүн атайын эритүүчү 43 миң 800 флакон алды.
КР Саламаттык сактоо министри Алымкадыр Бейшеналиев башка өлкөлөр сыяктуу эле саламаттык сактоо жаатында каатчылыкка кез келгенин белгиледи. “Биз эмдөө COVID-19га каршы күрөшүүнүн эң натыйжалуу ыкмасы экенин жана эмдөө алыш керектигин түшүнүшүбүз керек. Биргелешкен аракеттерибиз менен коронавирус инфекциясына каршы тура алабыз деп ишенем. Мен АКШ өкмөтүнө жана COVID-19 менен күрөшүүдө бизге жардам берип жаткан өнүктүрүү боюнча бардык өнөктөштөрүбүзгө терең ыраазычылык билдиргим келет”, -деди министр.
Кыргызстандын Президенти Садыр Жапаров менен Азербайжандын Президенти Ильхам Алиев бүгүн, 25-апрелде, Хыдырлы айылында болочок орто …
Жогорку Кеңештин төрагасы Нурланбек Шакиев Монголиянын Улуу Мамлекеттик Хуралынын төрагасы Гомбожавын Занданшатар менен жолугушту. Бул …
2024-жылдын 22-23-апрелинде Улуу Британиянын тышкы иштер министри Лорд Дэвид Кэмерон Кыргызстанга расмий сапары менен келет. …
КР Президенттик администрациясы Сорос фондунун Кыргызстандагы өкүлчүлүгүн жабуу жөнүндө чечим боюнча комментарий берди. «Фонд командасы …
15-апрелде КРдин Индиядагы Элчиси Аскар Бешимов менен Индиянын Тышкы иштер министринин жаңы дайындалган орун басары …
Кыргызстан Казакстандын суу каптоодон жабыркаган алыскы облустарына “Жардам кербенинин экинчи партиясын жөнөттү. ӨКМден билдиришкендей, жети …
