Апта ичинде, 18-24 июлда Кыргызстанда COVID-19дун 981 учуру аныкталган. Бул тууралуу КР ССМнын Ооруларды алдын алуу жана мамлекеттик санитардык эпидемиологиялык көзөмөл департаменти билдирди.
Маалыматта айтылгандай, 910 адам — амбулатордук дарыланууда болсо, ооруканада жаткандардын саны 71ди түздү.
Пандемия башталгандан бери өлкөдө жалпысынан COVID-19дун 202 685 учуру катталган.
2022-жылдын 6 ай 24 күнүндө COVID-19дун бардыгы болуп 17 937 учуру катталган, 15 943 (88,8%) учур лабораториялык жана 1994ү (11,2%) клиникалык-эпидемиологиялык түрдө (белгилерин жана ооруга чалдыккандар менен байланышын эске алганда) аныкталган.