Кыргызстандын ун комбинаттарында элди 2 ай камсыз кылуу үчүн ун жана дандын кору бар. Бул тууралуу Ун өндүрүүчүлөр ассоциациясынын жетекчиси Рустам Жунушов билдирди.
Анын айтымында, мурда түзүлгөн келишимдер боюнча дан Россиядан ташылып жатат.
“Эгерде ун өлкө чегинен тышкары мыйзамсыз жол менен чыгарылбаса жана Россиядан дан тынымсыз келип турса, анда Казакстандын чек аралары жабылып турган мезгилде дагы элди ата мекендик ун менен камсыз кылуу мүмкүн»- деди ал.
