Бийик тоолордогу көлдөрдүн кооптуулугу изилденүүдө. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, бийик тоолуу көлдөрдүн жырылып кетүү коркунучун алдын алуу максатында 4-августтан тартта Кыргызгидрометтин жана ӨКМнин кызматкерлери биргеликте Чүй жана Ош облусу боюнча жырылып кетүү коркунучу бар көлдөргө изилдөө иштерин жүргүзүүдө.
«Бүгүнкү күндө Чүй облусунун Сокулук району боюнча 4 көл, Панфилов району боюнча 3 көл жана Ош облусунун Ноокат району боюнча 5 көл изилденди»,-деп айтылат маалыматта.
Натыйжада изилденген көлдөрдө суунун деңгээли былтыркыга салыштырмалуу төмөнүрөөк, жырылып кетүү коркунучу аз.
