Кыргызстанда мөөнөтүнөн мурда пенсияга чыгуу мүмкүнчүлүгү жокко чыгарылды. Бул тууралуу Социалдык фонддун коомчулук менен байланыш бөлүмүнүн башчысы Жеңишбек Мукамбетов Биринчи радионун түз эфиринде билдирди.
Ал 1-июлдан тарта “Айрым мыйзам актыларына өзгөртүүлөрдү киргизүү жөнүндө” мыйзам, анын ичинде “Мамлекеттик пенсиялык социалдык камсыздандыруу жөнүндө” мыйзам күчүнө киргенин эске салды.
Анын 1-пунктунда карылыгы боюнча пенсия алууга 63 жашка чыккан эркектер жана 58 жашка чыккан аялдар укуктуу деп жазылган.
Мындан тышкары 2008-жылы киргизилген мөөнөтүнөн мурда пенсияга чыгуу беренеси алынып салынды. Анда белгиленгенден ашык стажы болсо пенсияга үч жыл мурда чыгуу каралган. Эркектер үчүн — талап кылынган 25тин ордуна 40 жыл, аялдар үчүн — 20 жылдын ордуна 35 жыл. Алар тиешелүүлүгүнө жараша 60 жана 55 жашта пенсияга чыга алышаарын билдирди Жеңишбек Мукамбетов.
Мындан тышкары, толук эмес кызматы үчүн пенсия дайындоону караган 10-берене алынып салынган.
«Пенсиялык системаны реформалоого чейин пенсия толук эмес кызмат өтөө менен да берилчү. Башкача айтканда, эгерде адам пенсия курагына жетип, бирок талап кылынган эмгек стажын толуктабаса, ага базалык пенсия дайындалган, бирок анын өлчөмү пропорционалдуу түрдө кыскартылган. Маселен, аялдын 20 жылдык стажы бар болгону 10 жыл болсо, 3 миң 170 сомдун ордуна 1 миң 750 сом дайындалды», — деп баса белгиледи бөлүм башчы.
2026-жылы пенсиялардын көлөмү кыйла жогорулайт. Бул тууралуу Социалдык фонддун төрагасы Бактияр Алиев депутат Дастан Бекешевдин …
1-октябрдан тартып Кыргызстанда пенсиянын камсыздандыруу бөлүгү көбөйөт. Министрлер кабинетинин № 534 токтомунда “Мамлекеттик пенсиялык социалдык …
2025-жылдын январь-июнь айларында 31 миң 255 жаранга пенсия чектелди. Бул тууралуу Социалдык фонддон билдиришти. Маалыматка …
Социалдык фонд пенсиялык топтоо каражаттарын мөөнөтүнөн мурда алууга укук берген оор оорулардын тизмесин жарыялады. Мекеменин …
Кыргызстандын жарандарынын Түркияда иштегени келечекте пенсия алуу укугун камсыздайт. Бул тууралуу Эмгек, социалдык коргоо жана …
Кыргызстанда пенсиянын орточо көлөмү жогорулагандан кийин 10 миң 585 сомду түздү. Бул тууралуу “Биринчи радионун” …
