Президент Андри Радзуэлина Мадагаскардагы массалык нааразычылыктардан жана армиянын колдоосун жоготкондон кийин өлкөдөн чыгып кетти. Бул тууралуу Reuters агенттиги билдирди.
Митингдер 25-сентябрда суу жана электр энергиясынын үзгүлтүккө учурашынан улам башталган. Кийинчерээк бул коррупцияга, жумушсуздукка жана баалардын өсүшүнө каршы эң ири кыймылга айланды. Жаштар мамлекет башчысынын отставкасын талап кылып, акциялардын кыймылдаткыч күчүнө айланды.
Радзуэлина өлкөдөн француз аскердик учагы менен учуп кеткен, болжолдуу президент Эммануэль Макрон менен келишим түзгөн.
51 жаштагы Радзуэлина Facebookтагы кайрылуусунда бир нече жолу өлтүрүү аракетине кабылганын жана «коопсуз жерге» жашынганын билдирген. Ал «бир топ аскер кызматкерлерин жана саясатчыларды» аны өлтүрүүгө аракет кылган деп айыптады, бирок «Мадагаскардын талкаланышына» жол бербөө ниетин билдирген.
Кризис CAPSAT – Мадагаскардын куралдуу күчтөрүнүн 2009-жылы президенттин бийликке келишине жардам берген элиталык бөлүмү мамлекет башчысынын буйруктарына баш ийүүдөн баш тартып, нааразылык акцияларына кошулгандан кийин курчуду.
БУУнун маалыматы боюнча, нааразылык акцияларынын алгачкы күндөрүндө кеминде 22 адам каза болуп, 100дөн ашуун адам жаракат алган. Күбөлөрдүн айтымында, коопсуздук күчтөрү ок атуучу куралдарды колдонушкан, ал эми Антананаривунун райондорунун биринде жаңы төрөлгөн бала көздөн жаш агызуучу газдын таасиринен каза болгон.
Андри Радзуэлина, мурдагы ди-джей жана ишкер, биринчи жолу 2009-жылы төңкөрүш аркылуу бийликке келген, андан кийин 2018-жылы кайрадан шайланган.
Экс-президент Сооронбай Жээнбеков “Кабар” улуттук маалымат агенттигине маек куруп, 2020-жылы бийликтен кантип кеткени тууралуу биринчи …
Мурдагы президент Аскар Акаев Кыргызстандагы «экономикалык кереметин» улантуу үчүн азыркы президент Садыр Жапаровду кыргыз эли …
Кыргызстандын президенти Садыр Жапаров бүгүн, 18-июнда Албаниянын президенти Байрам Бегай менен анын Кыргызстанга болгон расмий …
Президент Садыр Жапаров бүгүн, 6-июнда, Кыргызстан менен Палестинанын курама командаларынын жолдоштук беттеши алдында 11 жаштагы …
Президентке караштуу Улуттук илимдер академиясынын президенти Абдрахматов Канатбек Ермекович ээлеген кызмат ордунан бошотулду. Тиешелүү жарлыкка …
Көк-бөрү федерациясынын курултайы өтөт. Бул тууралуу федерациясынын басма сөз кызматы билдирди. Маалыматта айтылгандай, курултай 3-май …
