Маданият, маалымат жана жаштар саясаты министрлигинин коллегиясында 19-февралда министрдин орун басары Марат Тагаев өлкө аймагында TikTok социалдык тармагын бөгөттөө чечимин кайра карап чыгуу зарылдыгын билдирди.
Маданият министринин орун басарынын айтымында, бүгүнкү күндө маалыматтык чөйрөгө мониторинг жүргүзүү жана изилдөө борбору жоюлган. Ошондой эле, Маданият министрлигинде да, жалпы өлкөдө да маалыматтык платформалар жана социалдык тармактар менен иш алып бара турган орган жок.
«Кечээ биздин депутаттар да Кыргызстанда бөгөттөлгөн айрым платформалар жана социалдык тармактар жөнүндө айтышты. Бүгүнкү күндө TikTok социалдык тармагы Кыргызстанда бөгөттөлгөнүнө карабастан, чындыгында биздин жаштар жана жалпы жарандар бул платформаны VPN аркылуу колдонуп жатышат. Биз министрликтин TikTok социалдык тармагын бөгөттөн чыгаруу боюнча сунушун карап чыгууну өтүнөбүз», — деди Тагаев.
Анын айтымында, платформага кирүүнү чектөө жаштар аудиториясына, чыгармачыл индустриялардын өкүлдөрүнө жана TikTokту илгерилетүү жана акча табуу куралы катары колдонгон чакан бизнеске олуттуу таасир этти.
TikTok — кыска видеолорду көрүү жана жаратуу үчүн социалдык тармак. Ал ByteDance компаниясына таандык жана кыска көңүл ачуучу видеолор, тренддер жана челлендждер үчүн платформа болуп саналат.
Кыргызстандын интернет аймагында порнографиялык мүнөздөгү элементтери бар контентти камтыган сайттын жана (же) сайттын баракчасынын ишин …
Маданият, маалымат жана жаштар саясаты министрлиги Оштогу Сулайман-Тоо улуттук тарыхый-археологиялык музей комплексинде жашылдандыруу иштерине жана …
Алдамчылыкка каршы сактык чаралары жөнүндө Жеке маалыматтарды коргоо боюнча мамлекеттик агенттик жарандарды жеке маалыматтар камтылган …
Борбор калаанын мэри Айбек Джунушалиев КР мыйзамдарына ылайык келбегендиктен үйлөрү бузулуп жаткан жарандардын маселелерин чечүү …
Камбоджа менен Таиланддын чек арасындагы куралдуу кагылышууларга байланыштуу Тышкы иштер министрлиги кыргызстандыктарды аталган өлкөлөргө баруудан …
Бүгүн, 4-июндагы Жогорку Кеңештин жыйынында «Кыргыз Республикасынын интернет мейкиндигинде порнографиялык мүнөздөгү контент элементтерди камтыган сайттарга …
