Алдамчылыкка каршы сактык чаралары жөнүндө Жеке маалыматтарды коргоо боюнча мамлекеттик агенттик жарандарды жеке маалыматтар камтылган документтердин скриншотторун интернетке жарыялабоо суранат. Мындай аракеттер купуя маалыматтардын ачыкка чыгышына алып келип, алдамчылык схемаларына өбөлгө түзүшү мүмкүн.
Кыргызстандыктарга сак болууга жана паспорттордун, айдоочулук күбөлүктөрдүн, ИНН, медициналык маалымкаттардын жана башка документтердин сканерленген көчүрмөлөрүн ачык жарыялабоого сунушталат.
Ведомство ошондой эле Lalafo платформасынан жеке документтердин сүрөттөрү жарыяланган «Табылгалар бюросу» бөлүмү өчүрүлгөнүн маалымдады. Бул жеке маалыматтардын уруксатсыз жайылышын алдын алуу максатында жасалды.
Эгер сиз бирөөнүн жеке маалыматтары бар документин таап алсаңыз:
— аны жакынкы Калкты тейлөө борборуна, Мамлекеттик каттоо кызматынын бөлүмүнө, мамлекеттик органдардын табылгалар бюросуна же милиция бөлүмүнө өткөрүп бериңиз;
— документтин сүрөтүн социалдык тармактарга же платформаларга жарыялабаңыз.
Колдонуудагы мыйзамдарга ылайык, жеке маалыматтарды чогултуу, сактоо, иштеп чыгуу жана жайылтуу тартибин бузгандыгы үчүн административдик жоопкерчилик каралган.
Маданият, маалымат жана жаштар саясаты министрлигинин коллегиясында 19-февралда министрдин орун басары Марат Тагаев өлкө аймагында …
Маданият, маалымат жана жаштар саясаты министрлиги Оштогу Сулайман-Тоо улуттук тарыхый-археологиялык музей комплексинде жашылдандыруу иштерине жана …
Борбор калаанын мэри Айбек Джунушалиев КР мыйзамдарына ылайык келбегендиктен үйлөрү бузулуп жаткан жарандардын маселелерин чечүү …
Камбоджа менен Таиланддын чек арасындагы куралдуу кагылышууларга байланыштуу Тышкы иштер министрлиги кыргызстандыктарды аталган өлкөлөргө баруудан …
Соттор кеңеши Жогорку соттун судьясы Аскат Сыдыковду ээлеген кызматынан бошотууну сунуштады. Бул тууралуу Жогорку Кеңештин …
Бүгүн, 8-апрелде Жогорку Кеңештин Транспорт, коммуникациялар, архитектура жана курулуш боюнча комитетинин жыйынында депутат Бактыбек Сыдыков …
