Коюу тумандан улам бүгүн, 30-декабрда, «Манас» эл аралык аэропортунда бир нече каттамдын учагы кармалууда. Бул тууралуу аба майдандын маалымат кызматы кабарлады.
«Санкт-Петербургдан келген «Аэрофлот» авиакомпаниясынын учагы Алматыдагы кошумча аэродромго конду. Мындан сырткары, ички каттамдар дагы кармалууда. Биз үчүн коопсуздук баарынан артык!» — деп айтылат маалыматта.
Аэропорттун жетекчилиги жүргүнчүлөр менен коноктордон абалды түшүнүү менен кабыл алууну өтүнөт.