Cудья ооруп калганына байланыштуу сот 10-апрелге жылдырылды. Бул туурасында Govori.TV сайтына активист Мавлян Аскарбеков билдирди.
«Бүгүн Биринчи май райондук сотунда акыркы сөз берилип чечим чыкмак. Бирок отурум судья ооруп калганына байланыштуу жылдырылды.Соттук жараян 10-апрелде саат 14:00дө өтмөй болду» -дейт Аскарбеков.
Белгилей кетсек, жарандык активист Мавлян Аскарбековго Кылмыш-жаза кодексинин 297-беренеси, “Бийликти күч менен басып алууга үндөө” боюнча кылмыш иши козголгон. Ал былтыр 16-январдагы авиакырсыктан жапа чеккен Дача СУ жана Учкун-2 конуштарынын тургундары менен жолугушууда “бийликти басып алууга чакырган” деп айыпталып жатат.