Ата-энелерден акча чогулткан мектеп директорлору жоопко тартылат. Бул тууралуу бүгүн Бишкек шаардык мэриясынын билим берүү башкармалыгы тарабынан уюшутурулган жыйналышта белгилүү болду.
№ 70 мектеп-гимназиясынын имаратында болгон директорлордун чогулушуна Бишкек шаарынын прокуратурасынын бөлүм башчысынын орун басары М.Турманов, коррупцияга каршы жана мыйзамдардын аткарылуусун көзөмөлдөө бөлүмүнүн прокурору Д.Парпиев катышты.
Жыйындын жүрүшүндө мектеп директорлору “ Мыйзамсыз акча чогултуу боюнча билим берүү мекемелеринин жетекчилеринин жоопкерчилиги тууралуу” Бишкек шаарынын мэри Албек Ибраимовдун буйругу менен тааныштык деп кол коюп беришти.
