УКМК өлкөгө уюлдук телефондорду мыйзамсыз алып келип, аларды Бишкектеги ири соода түйүндөрүндө сатуу менен алектенген трансулуттук топтун ишмердүүлүгүнө бөгөт койду.
УКМКдан билдиришкендей, тергөө-ыкчам иш-чараларынын жүрүшүндө бажы жана салык көзөмөлүнөн жашырылып, тиешелүү төлөмдөр төлөнбөстөн жана милдеттүү мамлекеттик каттоодон өткөрүлбөстөн өлкөгө алып келинген ири партиядагы уюлдук телефондор көмүскө жүгүртүүдөн алынган.
Тергөөдө мыйзамсыз алып кирүү каналын уюштуруучулардын бири катары чет өлкөлүк жаран Н.Б.Ж. жана Мамлекеттик салык кызматынын кызматкери Б.И.М. кармалганы белгиленди.
Маалыматка ылайык, салык кызматынын кызматкери материалдык сый акы үчүн борбор калаада контрабандалык товарларды мыйзамсыз өткөрүүгө көмөк көрсөткөн.
Учурда бул кылмышка тиешеси бар башка адамдарды аныктоо боюнча тергөө-ыкчам иш-чаралары уланууда.
УКМК белгиленген тартипте каттоодон өтпөгөн уюлдук байланыш каражаттарынын жана башка электрондук техникалардын мыйзамсыз жүгүртүлүшү бажы жана салык мыйзамдарын бузуу менен чектелбестен, коомдук коопсуздукка жана коомдук тартипке каршы кылмыштардын жасалышына шарт түзүп, оор жана өзгөчө оор кесепеттерге алып келиши мүмкүн экенин эскертти.
Ат-Башы районундагы Арпа өрөөнүндө чет элдик жарандар тарабынан мыйзамсыз балык уулоо фактысы аныкталды. Бул тууралуу …
Бишкекте «Хизбут-Тахрир» диний-экстремисттик уюмунун активдүү мүчөлөрүнүн мыйзамсыз ишмердүүлүгүнө бөгөт коюлду. Улуттук коопсуздук мамлекеттик комитетинен билдиришкендей, …
Улуттук коопсуздук мамлекеттик комитети Мамлекеттик бажы кызматынын Ички иликтөө башкармалыгы менен биргеликте кыргыз-өзбек чек арасындагы …
УКМК төрагасынын биринчи орун басары Рустам Мамасадыковдун кармалышы тууралуу тарап жаткан маалыматтарга УКМК жооп берип, …
УКМК төрагасынын мурдагы орун басары – атайын кызматтын Киберкоопсуздукту камсыздоо боюнча координациялык борборунун экс-директору Уранбек …
Максат Асаналиев Улуттук коопсуздук мамлекеттик комитетинин төрагасынын милдетин аткаруучу болуп дайындалды. Жумгалбек Шабданбеков башка ишке …
