8-март− Аялдардын эл аралык күнү жана 21-март −Нооруз майрамына карата иш-чаралар токтотулганына байланыштуу 4 миллион 200 миң сом үнөмдөлдү. Бул тууралуу мэриянын маалымат кызматы кабарлады.
8-март− Аялдардын эл аралык күнү майрамына 2 млн 200 миң сом, ал эми Ала-Тоо аянтында Нооруз майрамын белгилөөгө 2 млн сом каралган. Бирок коронавирус эпидемиясынын тарап кетүү коркунучунан улам Кыргызстанда бардык маданий-массалык иштер жана спорттук иш чаралар токтотулган. Мындан улам Бишкек мэрия 4 миллион 200 миң сом үнөмдөп калды.
«Бул каражаттар мэриянын эсебинде турат. Эми ал акчалар баш калаада өтүүчү алдыдагы майрамдык иш-чараларга жумшалат», — деп айтылат маалыматта.